As e os docentes que asistan ao 3º Congreso Galego de Seguridade e Educación Viaria poderán obter un certificado de homologación como actividade de formación permanente do profesorado emitido pola Consellería de Cultura, Educación e Ordenación Universitaria da Xunta de Galicia. Para iso únicamente terán que asistir ao congreso o 90% da súa duración total e solicitar ese certificado no formulario de inscrición.

Programa | Dosier | Inscribirme | Mapa

POR UN MUNDO MELLOR

O Congreso Galego de Seguridade e Educación Viaria convócase no contexto das políticas internacionais da sustentabilidade. Tanto os Obxectivos de Desenvolvemento Sustentable da ONU como a Carta Europea da Seguridade Viaria, da que o Concello de Narón é asinante, apostan por asumir como propia a maneira de conseguir unha mobilidade máis contida e resiliente, e perseguir a visión cero de violencia viaria. Estes documentos son os estandartes que nos moven a espallar o coñecemento e avaliar experiencias coma as que se estudiarán neste evento.

NARÓN TURISMO

O municipio de Narón presenta unha ampla diversidade de paisaxes nas súas tres áreas: a máis urbana, próxima ao interior da ría ferrolá, a máis agreste, que asoma ao Atlántico a través dun treito da Costa Ártabra, unha sucesión de pequenas praias e cantís, e a parte interior, con poboacións diseminadas polos seus vales ondulantes.

Ofrece ás visitas a posibilidade de entender a riqueza de Galicia a través de tres tipos de propostas: a natureza, o patrimonio monumental e histórico e os roteiros que se propoñen para realizar a pé ou en bicicleta. Aquí tes os seus  links:

Narón forma parte do destino turístico Ferrolterra – Rías Altas, onde podes atopar múltiples suxestións.

A natureza | O patrimonio cultural e etnográfico | Os roteiros